Елена Рыбакина күтпеген жерден ұтылып қалды
Қазақстанның бірінші, әлемнің 3-ракеткасы Елена Рыбакина Аустралия ашық чемпионатының үшінші айналымына шыға алмады.
Қазақстандық теннисші екінші матчын дүниежүзілік рейтингіде 57-орында тұрған ресейлік Анна Блинковамен өткізді.
Осыған дейін қарсыластар 2017 жылы Санкт-Петербург турнирінде кездесіп, онда ресейлік спортшы 5:7, 6:2, 6:3 есебімен жеңген еді.
Бұл жолы бірінші партияда есеп 1:1 болған мезетте Блинкова брейк жасап, сол басымдығын сақтап қалды — 6:4.
Екінші сетте де ресейлік теннисші брейкпен алға кетті — 2:1. Дегенмен өз ойынын таба бастаған Рыбакина таразы басын теңестірді — 2:2. Содан соң тағы бір брейкпен тәмамдады — 6:4.
Үшінші, шешуші партияда Рыбакина босаңсыған сәтті қалт жібермеген Блинкова тағы алға шықты — 3:1. Қазақстандық теннисші есепті теңестіре алды — 4:4. Блинкова қайыра брейк жасап, матчқа доп бергенде, есеп қайта теңесті — 5:5.
Есеп 6:5 болған мезетте ресейлік спортшы екі матчболын мүлт жіберді. Есесіне жарты сағаттан астам уақытқа созылған тай-брейкте Рыбакина сегіз матчболын пайдалана алмады — 6:7 (20:22).
2 сағат 46 минутқа созылған аса тартысты бәсеке барысында Е.Рыбакина 9 эйс жасап, 8 брейк-пойнттың бесеуін мүлт жіберген жоқ. Қарсыласы 3 эйс, 5 брейкпен (6 брейк-пойнт) көзге түсті.
Анна Блинкова төртінші айналымға шығу үшін әлемнің 31-ракеткасы, италиялық Ясмина Паолинимен таласады. Ол рейтингіде 42-сатыдағы германиялық Татьяна Марияны жолдан тайдырды — 6:2, 6:3.
Дереккөз: kaz.inform