Қазақстандық велоспортшы Thailand Cup турнирінде үшінші болды

Тайландтың Канчанабури өңірінде маунтинбайктан Thailand Cup турнирі аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.

Бұл бәсекеге Ұлттық құрама спортшылары да қатысып, 1 жүлдеге қол жеткізді. Әйелдер арасында Алина Саркулова мәреге 3-ші болып келіп, қола жүлдегер атанды.

Тағы бір қазақстандық Татьяна Генеоева 6-сатыдан көрінді.

Өзге спортшылардың нәтижесі:

Ерлер:

Егор Карасев 18-орын Under ерлер (23 жасқа толмаған велоспортшы):

Алтынбек Аханов 8-орын

Алексей Фефелов 9-орын

Әйелдер:

Алина Спирина 4-орын

Айта кетейік, 2 күнге созылған халықаралық турнирде биыл 7 мемлекеттен атлеттер сынға түсті. Былтыр Тайландтың Пхичит өңірінде өткен Кубокқа Ұлттық құрама спортшылары қатыспаған.