Ауыр атлетика
Үш бірдей Олимпиаданың жүлдегері ауруханада көз жұмды
rambler.ru
Ауыр атлетикадан қатарынан үш бірдей Олимпиада ойындарында жүлде алған индонезиялық зілтемірші әйел Раема Лиса Румбевас 43 жасында көз жұмды. Бұл туралы Индонезия ұлттық Олимпиада комитетінің ресми сайты хабарлады.
Спортшы 14 қаңтар күні Джайпур қаласындағы ауруханада қайтыс болған. Неден қайтыс болғаны әзірге белгісіз.
Раема Лиса Румбевас 2000 жылы Сиднейде өткен Олимпиада ойындарында 48 келіге дейінгі салмақта күміс жүлдегер атанған. 2004 жылы Афиныда 53 келіге дейінгі салмақта бақ сынап, тағы күміс алған. Ал 2008 жылы Бейжің Олимпиадасында осы салмақта қола жүлде иеленген еді. Сондай-ақ 2006 жылы әлем чемпионатында күміс жүлдегер атанған.