Хоккей
"Барыс" ҚХЛ-де қатарынан төртінші рет ұтылды
hcbarys.kz
Астаналық "Барыс" ҚХЛ тұрақты чемпионаты аясындағы өз айдынында өткен матчте "Лададан" ұтылып қалды.
Астанада өткен кездесу 3:0 есебімен тольятиліктердің пайдасына аяқталды. Ресейлік команда сапынан гол салғандар: Никита Попугаев (11-минут), Андрей Алтыбармакян (31) және Трой Джозефс (39).
Осылайша, "Барыс" ҚХЛ-де қатарынан төртініш матч ұтылып отыр. Бұған дейін астаналық команда қазандық "Ак Барс" (0:1 Б), уфалық "Салават Юлаев" (3:5) және челябілік "Тракторге" (1:5) есе жіберді.
Келесі ойында "Барыс" 16 қаңтар Астанада "Салават Юлаев" командасымен кездеседі.