Данилина аралас сында US Open ширек финалына өтті

Қазақстандық теннисші Анна Данилина аралас сында АҚШ ашық чемпионатының ширек финалына өтті.

Данилина финляндиялық Харри Хелиоваарамен бірге екінші айналымда испаниялық Кристина Буча мен бельгиялық Йоран Флигендуэьімен ойнады.

Бірінші партияда испаниялық-бельгиялық жұп сәтті ойнады – 6:4. Есесіне екіншісінде Данилина – Хелиоваара есе қайырды – 6:3. Супер тай-брейкте қазақстандық-финляндиялық дуэт матчты жеңіспен түйіндеді – 10:8.

1 сағат 23 минутқа созылған бәсеке барысында екеуі 3 эйспен бірге 5 брейк-пойнттың екеуін мүлт жіберген жоқ. Испаниялық-бельгиялық жұп та 3 эйс, 2 брейкпен көзге түсті.

Енді Данилина мен Хелиоваара жартылай финалға шығу үшін америкалықтар Тэйлор Таунсенд – Дональд Янгпен ойнайды.