Теннис
Тимофей Скатов US Open турнирінің бірінші айналымында сүрінді
ҚТФ
Қазақстандық теннисші Тимофей Скатов АҚШ ашық чемпионатының екінші айналымына өте алмады.
Скатов іріктеу сайыстарынан сәтті өткенімен, негізгі жарыста бірден әлемнің 7-ракеткасы Хуберт Хуркачқа тап келді.
Бірінші партияда польшалық теннисшісі 6:3 есебімен басымдылық танытты. Бұдан кейін матч тартысты өрбіп, қос сет те тай-брейкпен 27 жастағы тәжірибелі Хуркачтың пайдасына аяқталды – 7:6 (7:4), 7:6 (7:3).
Үш сағатқа жуық уақытқа созылған бәсекеде Скатов 3 эйспен бірге 4 брейк-пойнттың тең жартысын пайдаланды. Хуркач 27 эйс, 3 брейкпен (9 брейк-пойнт) көзге түсті.