Ауыр салмақтағы қазақстандық боксшы амеркиалық қарсыласын нокаутқа түсірді

Супер ауыр салмақта жұдырықтасатын қазақстандық кәсіпқой боксшы Иван Дычко 14 айдан кейін шаршы алаңға оралды. Ол Плант-Ситиде (АҚШ, Флорида штаты) өткен бокс кешінде қарсыласын нокаутпен жеңіп шықты.

Иван америкалық Крейг Льюиспен (15-8-1, 8 КО) жұдырықтасты. Қорғаныста мығым, шабуылда ширақ болған Дычко қарсыласын жойқын соққыларымен бірнеше рет есеңгіретті. Нәтижесінде төреші жекпе-жекті екінші раундта тоқтатты.

Қазақстандық боксшы кәсіпқой бокстағы 14-ші жеңісіне қол жеткізді. Оның 13-де қарсыласын уақытынан бұрын ұтып шыққан.

Америкалық спорт мамандыра Иван мен өзбек боксшысы Баходир Жалоловтың жекпе-жегі қызық болады деп болжайды. Қос боксшы әуесқой бокста төрт рет жолыққан, оның бәрінде қазақстандық жеңіске жеткен еді.

🇰🇿2x Olympic Bronze Medalist Ivan Dychko drops and stops Craig Lewis in Round 2 in Plant City Florida pic.twitter.com/BpR0yeRVCi

— Tokkerū (@ATokkers5) August 22, 2024