UFC чемпионы Леон Эдвардс келесі жекпе-жегін қашан өткізетінін айтты

Қазіргі жартылай орта салмақтағы UFC титулының иегері Леон Эдвардс келесі рет 14 сәуірде Лас-Вегаста (АҚШ) өтетін UFC 300 турнирінде белбеуін қорғайтынын мәлімдеді.

«Сәуір айында Лас-Вегастағы UFC 300 турнирінде титулымды қайта қорғаймын, содан кейін жазда Бирмингемдегі Вилла Паркте жекпе-жек өткіземін деп үміттенемін. UFC-мен келіссөздер жүргізіп жатырмын. Оны жүзеге асыра аламын деп үміттенемін», - дейді Эдвардс.

Эдвардс кейінгі рет 17 желтоқсанда Лас-Вегаста (АҚШ) өткен UFC 296 турнирінің негізгі жарысында октагонға шықты. Бұл жекпе-жек төрешілердің бірауыздан шешімімен Леонның пайдасына аяқталды.

Қазіргі уақытта Эдвардстың 22 жеңісі мен үш жеңілісі бар.

Дереккөз: mmajunkie