Теннис
Roland Garros-қа іріктеу тунирінің жартылай финалына өткен жас теннисшілер іріктелді
Сурет: ҚТФ
Алматы қаласындағы Gorky Tennis Park теннис орталығында өтіп жатқан жасөспірімдер арасында 2025 жылғы Ролан Гаррос турнирі іріктеу сайысының жартылай финалына шыққан қыздар белгілі болды.
Өз топтарынан бірінші орынмен өткен қазақстандықтар Сәтима Төреген мен София Исакова өзара финал жолдамасын сарапқа салады.
Екінші жартылай финалда тағы бір қазақстандық Альбина Кәкенова ирандық Ясаман Язданимен кездеседі.
Бозбалалар арасында жартылай финалға өткендер кейін анықталады.
Жарыс чемпиондары Жапонияда өтетін соңғы іріктеу турниріне жолдама алады. Тек сол доданың жеңімпаздары ғана Ролан Гарросқа шақыртылады.