Қазақстан жастар командасы хоккей элитасына оралды

Венгрияның Будапешт қаласында өтіп жатқан шайбалы хоккейден бірінші дивизиондағы әлем чемпионатында Қазақстан жастар командасы элиталы дивизионға жолдама алды.

Төртінші турда Қазақстан хоккейшілері Жапонияны 3:1 есебімен жеңіп, жолдама мәселесін мерзімінен бұрын шешті.

Бұған дейін қазақстандық хоккейшілер Венгрия (5:2), Дания (3:2) және Франциядан (4:0) басым түсті.

Төрт турдан кейін еншісінде 12 ұпайы бар ел құрамасы бір тур бұрын элиталық дивизионға жолдама алды.

Енді қазақстандық хоккейшілер алдағы ойынын 16 желтоқсанда Австрияға қарсы өткізеді.

Дереккөз: olympic.kz