Кәсіби бокс
WBО Мейірім Нұрсұлтановты рейтингте төмендетті
RCC Boxing Promotions
Бүкіләлемдік бокс ұйымы (WBО) барлық салмақта рейтингін жаңартты. Жаңа тізімдегі өзгерістер қазақстандық боксшыларға да қатысты болды.
Бірінші ауыр салмақта Қазақстан тумасы Роман Фресс сегзіден тоғызыншы орынға түсіп қалды. Али Балоев болса керісінше 15-орыннан бір саты жоғарлады.
Орта салмақта Мейірім Нұрсұлтанов топ-3 тізімнен шығып қалды, жаңа рейтингте ол бесінші орында. Бұл салмақта ұйым чемпионы өзге қазақстандық боксшы Жәнібек Әлімханұлы.
Еске салайық, Нұрсұлтанов кейінгі рет былтыр қарашада жұдырықтасып, WBC ұйымының үміткерлер айқасында чилилік Хулио Аламосты жеңген еді. Қазақ боксшы рингке шілде айныда оралу керек еді, алайда бұл жекпе-жек өтпей қалды. Осылай, Мейірімнің жекпе-жектер арасындағы үзілісі ұзақ болып қалды.