Қазақстан Азия пара ойындарында жетінші күміс жеңіп алды

Қазақстандық бұрымды парадзюдошы Зарина Раифова Ханчжоудағы Азия пара ойындарында финалдық белдесуін өткізді, деп хабарлайды Қазақстан парадзюдо федерациясы. 

"J2 санаты бойынша 70 келі салмақтағы Зарина Раифова финалдық белдесуде әлем чемпионы, алаң қожайыны Хуньюй Ванмен кездесіп, 0:10 есебімен жол берді", - делінген хабарламада.

Осылайша, Раифова Пара ойындардың күміс жүлдегері атанды. 

Айта кетейік, J2 санаты бойынша 70 келі салмақтағы Зарина А тобындағы бірінші кездесуінде Азия пара ойындарының екі мәрте қола жүлдегері Ацуми Нисимураны 10:0 есебімен таза жеңген болатын.