Шавкат Рахмонов АҚШ-та қазақтардың жылқыны неге жақсы көретінін айтып берді

Қазақстандық UFC жұлдызы Шавкат Рахмонов (17-0) келесі жекпе-жектің тактикасы туралы сұраққа жауап беріп, жылқының Қазақстан мәдениетіндегі маңызы туралы айтып берді.

16-17 желтоқсанға қараған түні Рахмонов Лас-Вегастағы UFC 296 турнирінде Стивен Томпсонға (17-6-1) қарсы жекпе-жек өткізеді және жекпе-жек алдында американдық журналист Люк Томаспен сөйлесті.

Интервьюер Шавкаттан Қазақстан туралы бірнеше фактілерді айтуды өтінді.

- Сіз жылқының қазақ мәдениетінде неге осындай маңызы бар екенін түсіндіре аласыз ба?

"Біз ежелгі дәуірдегідей жылқыларды жақсы көреміз және бағалаймыз. Қазақтар көшпелі және жылқылармен тығыз байланыста болды. Қыс келгенде солтүстіктен оңтүстікке және кері қарай көп қозғалуға тура келді. Сондықтан біз үшін бұл әлі де маңызды", - деп жауап берді Шавкат.

- Мен сіз және бірнеше достар жылқы етін жеген бейнені көрдім... Мен оны ешқашан жеген емеспін, бірақ менің таныстарымның бірі дәмін татып, бұл өмірдегі ең жақсы ет екенін айтты. Біз үшін, ешқашан жылқыны татып көрмеген адамдар үшін, оның қандай ерекшелігі бар екенін түсіндіріп бересіз бе?

"Мен үшін жылқы еті-әлемдегі ең жақсы ет, өйткені ол ең дәмді және дәрумендерге бай. Ол маған өмірлік күш-қуат береді", - деді Рахмонов.

- Уау, мен білмедім! Мен оны міндетті түрде татып көремін", - деп жауабын қайтарды жүргізуші.

Дереккөз: tengrisport.kz