"Боруссия" және "МЮ" өкілдері бүгін Санчоны Маленаға айырбастау бойынша келіссөздер жүргізеді
Бүгін, 8 желтоқсанда Дортмундта "Боруссия" мен "Манчестер Юнайтед" өкілдері арасында кездесу өтеді. Клубтар бір-бірімен кездесіп, ағылшындардың қанаты Джейдон Санчоны неміс командасының шабуылшысы Дониэлл Маленмен алмасуын талқылайды. Бұл туралы журналист Кристиан Фальк Х әлеуметтік желісінде (бұрынғы Twitter) хабарлады.
Дереккөздің хабарлауынша, Дортмунд клубы ағылшындардан €30 млн немесе нидерландтық Маленді Санчоға тікелей айырбасын талап етеді.
Естеріңізге сала кетейік, 23 жастағы Санчо 2017-2021 жылдар аралығында "Боруссияда" ойнаған болатын. Екі жыл бұрын Дортмунд клубы Джейдонды "Манчестер Юнайтедке" сатты (Transfermarkt порталының мәліметі бойынша, аударым сомасы €85 млн болды). Ойыншының Англиялық клубпен қазіргі келісімі 2026 жылдың маусымына дейін шартталған. Ағымдағы маусымда вингер өз командасының үш матчына қатысты.
24 жастағы Мален осы маусымда 19 кездесу өткізіп, бес гол соғып, бір ассист берді. Transfermarkt Интернет-порталы футболшының құнын 35 миллион еуроға бағалайды.
Дереккөз: championat.com