Теннис
Дмитрий Попко Румыниядағы Челенджердің ширек финалына жетті
KTF.kz
Қазақстандық теннисші Дмитрий Попко Яссыдағы (Румыния) Челленджер турнирінің ширек финалына өтті.
Қазақстандық теннисші екінші айналымда дүниежүзілік рейтингіде 376-сатыдағы румыниялық Сезар Крецумен кездесті. Попко корт қожайынын бір жарым сағат уақытта 7:5, 6:3 есебімен қапы қалдырды.
Бұл матч барысында Дмитрий 4 эйспен бірге 8 брейк-пойнттың үшеуін пайдаланды. Крецу 6 эйс, 1 брейкпен көзге түсті.
Енді Дмитрий жартылай финалға өту үшін әлемнің 195-ракеткасы, франциялық Энцо Кокомен кездесу өткізеді.