ҰХЛ-де келесі жылы ең жоғары еңбекақы 90 миллионға жуықтайды

Ұлттық хоккей лигасында ең жоғары еңбекақы тағы 4,2 миллион долларға өсуі ықтимал. 

Инсайдер Пьер ЛеБрюннің мәліметінше, алдын ала болжам бойынша ең жоғары еңбекақы 87,7 миллион доллар болады.

Бұған дейін ҰХЛ коммисары Гэри Беттмэн қазіргі таңда лиганың қаржылық жағдайы жақсы және ең жоғары еңбекақыға 4,5 миллион қосылуы мүмкін екенін айтқан.

ҰХЛ-дің 2023/24 маусымындағы ең жоғары еңбекақы 83,5 миллион доллар болды.