Теннис
Рыбакина Уимблдонның жартылай финалына жетті
x.com/Wimbledon
Қазақстанның бірінші, әлемнің төртінші ракеткасы Елена Рыбакина Уимблдон турнирінің ширек финалындағы ойынын өткізді.
Қазақстандық теннисші бұл айналымда украиналық теннисші, әлемнің бұрынғы 3-ракеткасы, 17 WTA турнирінің чемпионы, Токиодағы Олимпиада ойындарының қола жүлдегері Элина Свитолинамен кездесті.
Рыбакина қарсыласын 6:3, 6:2 есебімен ұтты. Отандасымыз 1 сағат бір минутқа созылған матч кезінде жеті эйспен бірге алты брейк-пойнттың төртеуін өз есебіне жазды.
Енді Рыбакина турнирдің финалына шығу үшін латвиялық Елена Остапенко мен чехиялық Барбора Крейчикова арасындағы матчтың жеңімпазымен кездеседі.