Футбол
"Реал" шабуылшысы өзіне Месси туралы айтуға тыйым салынғанын мойындады
Sports.ru
Мадридтік "Реал" мен Бразилия құрамасының шабуылшысы Родриго өзіне Лионель Мессимен болған кикілжің туралы айтуға тыйым салынғанын мойындады.
Чемпиондар лигасы топтық кезеңінің 5-турындағы "Наполимен" (4:2) матчтен кейін журналистер оған оқиға жайлы сұрақ қойды.
"Месси? Ол туралы айта алмаймын. Неге? "Мадрид" маған тыйым салды", - деп береді Родригоның сөзін Madrid Xtra.
Родриго "Реалдың" тыйымы туралы айтып күліп жіберді, осы кезде мадридтік клуб қызметкерлері оны бірден журналистерден алып кетті.
Еске салайық, әлем чемпионатына Аргентина мен Бразилия арасындағы іріктеу матчінде Родриго мен Месси шекісіп қалған болатын.