Кәсіби бокс
Ауыр салмақтағы қазақ боксшы рингке қайта оралады
Sports.kz
Қазақстандық кәсіпқой боксшы Ернар Ешенов (6-1, 5 КО) жеті жылдан кейін рингке қайта оралады.
BoxRec.com сайтының хабарлауынша, Ешеновтың келесі жекпе-жегі 13 шілде күні Екатеринбургте (Ресей) өтеді. Қарсылас кәсіпқой рингтің жергілікті дебютанты Абубакар-Салах Муцелханов болады. Аса ауыр салмақтағы жекпе-жек алты раундқа жоспарланған.
Ернар Ешенов үшін бұл 2017 жылдан бергі бірінші жекпе-жек болмақ.
Ешенов кәсіпқой бокстағы дебютін 2016 жылы өткізіп, мансабында Қазақстан, Таиланд, Англия, Өзбекстан және Ресейде жекпе-жек өткізген. Ал соңғы рет Санкт-Петербургте беларусьтік Андрей Долгожиевті (10-42-2, 8 КО) техникалық нокаутпен жеңген болатын.