Бүгін Еуро-2024 турнирінде 1/8 финалдың соңғы екі ойыны өтеді

Бүгін, 2 шілдеде футболдан 2024 жылғы Еуропа чемпионатында 1/8 финалдың соңғы екі ойын өткізіледі.

Кешкі сағат сағат 21.00-де Румыния мен Нидерланды Мюнхен қаласындағы «Альянц-Арена» стадионында ойнайды. Е тобындағы Румыния бұған дейін Украинаны 3:0 есебімен жұтып, Словакиямен 1:1 есебімен тең түсті және Бельгияға 0:2 есебімен есе жіберген. Ал, Нидерланды D тобында Польшаны 2:1 есебімен ұтқан, Аустриядан 2:3 есебімен ұтылды және Франциямен тең түсті - 0:0.

Түн ортасы - 00.00-де Аустрия мен Түркия кездесуі басталады. Ойын Лейпциг қаласындағы «Ред Булл-Арена - Центральштадион» стадионында өтеді. D тобында ойнаған Аустрия осыған дейін Францияға 0:1 есебімен есе жіберді, Польшадан 3:1 және Нидерландыдан 3:2 есебімен басым түсті. F тобында ойнаған Түркия құрамасы Грузияны 3:1, Чехияны 2:1 есебімен ұтты да, Португалияға 0:3 есебімен есе жіберді.