22 нокауты бар WBC чемпионы Әлімханұлымен жекпе жекке келісті

Орта салмақтағы WBC нұсқасы бойынша әлем чемпионы америкалық Джермалл Чарло (33-0, 22 KO) осы дивизионда IBF және WBO титулдарына ие қазақстандық Жәнібек Әлімханұлымен (15-0, 10 КО) жекпе-жекке алдын ала келісім берді, деп хабарлайды Vesti.kz.

Алайда, Чарло ескерту жасады - жекпе-жек егер ол осы дивизионда қалуды шешсе ғана өтеді.

"Мен үлкен жекпе-жекпен оралғым келеді. Мен Жәнібекпен және өзімнің міндетті қарсыласым, аты кім еді... Карлос Адамеспен жекпе-жек өткіземін. Олар көтеріліп, не істеу керек болса, соны жасағанына қуаныштымын. Мен оларға мүмкіндік беретін адаммын ғой. Мен ешқашан ешкімнен жүгірмедім, ешқашан ешкімнен қорықпадым. Егер жағдай дұрыс болса, сіздер мені олармен бірге рингте көресіздер", - деп BoxingScene Чарлоны келтіреді

Сондай-ақ, американдық WBC-ге "менің жағдайымды түсінгені үшін" алғыс айтты.

Олар менің проблемамды түсінеді және менің олардың дивизионындағы нағыз чемпион екенімді біледі. Мен оларды жақсы көремін. Егер Мен келесі жекпе-жегімде орта салмақта қалсам, атағыма қауіп төнеді".

Естеріңізге сала кетейік, Чарло өткен демалыс күндері Лас-Вегаста отандасы Хосе Бенавидесті (28-2-1, 19 КО) бірауыз шешіммен жеңді, бұл оның екі жарым жылда алғаш рет өнер көрсетуі болды. Бұл жекпе-жек титулдық емес және келісімшарттық салмақта өтті.

Әлімханұлына келетін болсақ, қазақстандық қазан айында Неміс Винченцо Гуальтиериді (21-1-1, 7 КО) нокаутқа жіберіп, одан IBF белбеуін тартып алды.

Дереккөз: vesti.kz