Футзалдан Чемпионадр лигасында "Қайрат" косоволық команданы ойсырата ұтты

Косовода футзалдан УЕФА Чемпиондар лигасы Элиталық кезеңінің бірінші туры аясында «Приштина» мен «Қайрат» ойыны өтті.

Алматылық клуб сапынан Альберт Ақбалықов 5-минутта автогол авторы атанды. Алайда кейін «Қайрат» ойыншылары қатарынан жеті гол соқты. Екінші кезең басталғаннан косоволық футболшылар алға қарай ұмтылды. Нәтижесінде 24-минутта олар есеп айырмасын қысқартқан еді. Дегенмен алматылық клуб басымдықты бермеді. Осылайша, бұл матчте 11:2 есебімен алматылық команда жеңіске жетті.

Гол авторлары: Педро Сантос 7, 17, Диего Фаверо 8, 17, Родриго Денер 12, 27, Алиссон 7, Эдсон 13, Дуглас 29, Алекс Виана 29, Кайо Руиз 30 – Акбаликов АГ 5, Махараж 24.

Енді Марлон Веласко шәкірттері келесі кездесуін 30 қарашада «Бенфикаға» қарсы өткізеді.